أمثال وعبر لمن اعتبر-الجزء الثاني

كل جيل تسبقه أجيال تندثر عبر السنين، وتبقى لنا تجاربه وحكمه، التي تبقى لنا على شكل أمثال وحكم، وكلما كبرنا نعيش عبر هذه الأمثال ونقدر قيمتها لان التاريخ يعيد نفسه على شكل مختلف من الناس، بينما الوقائع التي قيلت فيها هذه الأمثال نعيشها في أي حقبة من الزمان

الأمثال تختلف في ألفاظها ولكنها تلتقي في مضمونها مع اختلاف مصادرها , وبكل بساطة الأمثال تعبير عفوي عن موقف أو حدث موجز .العالم العربي ملي بالحكم والأمثال الشعبية اخترت منها الأطرف والأكثر تداولا في حلقة ثانية

عين الحسود فيها عود
قاضي الولاد شنق حلو
ما تقول فول تا يصير بالمكيول
مش كل صابيعك متل بعضن
في الاعادة افادة
دنبة الكلب عوجة ولو حطوها بمية قالب
الجبانة ما بترد ميت
ما حك جلدك متل ضفرك
لاقيني ولا تغديني
اذكر الديب وهيي القضيب
يلي ببيت اهلو عا مهلو
متل الأربعا بنص الجمعة
كلمة يا ريت عمرها ما بتعمر بيت
الأكل للشبعان خسارة
كرمال عين تكرم مرجعيون
يا جبل ما يهزك ريح
فالج لا تعالج
وجع ساعة ولا كل ساعة
يا بادل غزلانك بقرود
القالب غالب
فرخ البط عوام
الغايب حجتو معو
المال السايب بعلم الناس عالحرام
ما أعز من الولد الا ولد الولد
واحد مربى لحيتو والتاني تعبان فيها
لا تنام بين القبور ولا تشوف منامات وحشة
كل عنزة معلقة من كرعوبها
عنزة ولو طارت
احترنا يا قرعة منين بدنا نبوسك
كوم حجار ولا هالجار
الجرح ما بيضيم الا صاحبو
العز للرز والبرغل شنق حاله
اصرف ما في الجيب ياتيك من في الغيب
من بره رخام ومن جوه سخام
شو بتعمل الماشطة بالوش العكر
قالوا للحرامي احلف قال اجا الفرج
اللي جرب المجرب كان عقلو مخرب
أقعد أعوج وأحكي جالس
أكل ومرعى وقلة صنعة
العين ما بتعلى عن الحاجب
الاعور بين العميان مفتح
يللي بيدق الباب بدو يسمع الجواب
لو كان فيه خير ما رماه الطير
يللي بدو يلعب البسينة بدو يلقى خراميشها
الولد ولد ولو حكم بلد
طبني طبتك العافيه
طنجرة و لقت غطاها
العنزه الجربانة ما بتشرب إلا من راس العين
إن كبر إبنك خاويه
بيحرق حارة ليولع سيجارة
بيلهي الحمار عن عليقه
حاميها حراميها
خليها بالقلب تجرح ولا تطلع لبرا وتفضح
بكرا المي بتكذب الغطاس
من أمنك لا تخونه ولو كنت خاين
مش كل طير بيتاكل لحمه
إلي بياكل على ضرسه بينفع نفسه
المنحوس منحوس ولو علقوا براسو فانوس
ضربتين عالراس بتدوش
بفلوسك بنت السلطان عروسك
الي ببلاش كتر منو
البلاش ليش
عالوعد يا كمون
بين عذرك ولا تبين بخلك
الجار جار ولو جار


شغلة ما بتهمك وصي عليها جوز امك
آخر العنقود سكر معقود
السكافي حافي والحايك عريان
عصفور كفل زرزور واتنينهن طيارين
كل فولة والها كيال
اللي ما تقدر تداريه سايسه وجاريه
لا يفوته فايت ولا طبيخ بايت
جدي ولعب بعقل تيس
اللي يوفي بمواعيده حط ايدك في ايده
حكم التراضي أحسن من حكم القاضي
الديك الفصيح من البيضه بيصيح
الأمين لا تخونه والخائن لا تأمنه
صفى النيه ونام بالبرية
دق الحديد وهو حامي
طعمي التم بتستحي العين
أعزب دهر ولا أرمل شهر
حكى بدري ... وانشرح صدري
يللي تحت باطو مسلة بتنعرو
ما بفل الحديد الا الحديد
بياخدك على البحر وبيرجعك عطشان
من وقت ما غاب السبع صار للندل هيبة
كول بصل و أنسى يلي حصل
لولا الكاسورة ما عمرت الفاخورة
ضربة المعلم بالف لو شلفها شلف
العين ما بتقاوم مخرز
أهل السماح مناح
بيت السبع ما بيخلى من العضام
حبل الكذب قصير
الدفا عفا ولو كان بعز الصيف
شرايتو ولا تربايتو
الطمع فرق ما جمع
كل عقدة والها حلال
يللي بياكل عصي مش متل يللي بيعدها
اللى ما بيجي معك تعا معو
لقمة هنية بتكفى ميّه
المكتوب ما منه مهروب
كل شي فرنجي برنجي
قبل ما تفصل قيس
مش كل مرة بتسلم الجرة
يا مسترخص اللحم عند المرق تندم
يوم إلك ويوم عليك دير بالك وفتح عنيك
اذا حبيبك تور لبسلو احمر

يللي بشوف مصيبة غيرو بتهون عليه مصيبته
عدي رجالك عدي من الاقرع للمصدي
لسانك حصانك ان صنتو صانك وان خنتو خانك
لا تشوفو عرضو وطولو تعو عل البيت وشوفو فصولو
إذا بدك تبهدل رجال سلط عليه مرا و إذا بدك تبهدل مرا سلط عليها ولد
يا داخل بين البصله وقشرتها ما بينوبك إلا ريحتها
الحلو حلو لو فاق من النوم والبشع بشع لو تحمم كل يوم
يا بنتي جازي وجوزتك بس حظ منين بجبلك
امشي من الحيط للحيط وقول يا رب توصلني عالبيت
مش كل مين صف صواني قال انا حلواني
بيحب يعلى ولو عالخازوق
يا ام طوق شفناكي تحت وشفناكي فوق
لا تربط الحمار جنب رفيقو يا بيعلمو عالشنهقة يا بياكلو عليقو
عند العقرب لا تقرب وعند الحية افرش ونام
يا خوف عكا من هدير البحر
شهر أيلول طرفو بالشتي مبلول
بين تشرين وتشرين صيف تاني
بس تصير ورقة التين قد اجر البطة نام وما تتغطى