ولك ويـن إنتو يا عرب
وينكن إنتو يا عرب ، أرضي أنا عم تغتصب، بالنارغزة عم تنضرب، أطفال عالأرض دمها انسكب، ونسوان عم تبكي وتنتحب.غزة ورفح كلها غضب، صبح ومسا عم الكرب. قوتهن صواريخ وذعر، وسلاحكن معلب بالعلب، وإنتو نيام متل الدبب؟
ولك وين إنتو يا عرب؟
أهلنا داقوا الذل وشبعوا حرمان، وإنتو بعدكن على عروشكن نيام. تركتوا القضية تآكلها النسيان، كرمال سلطة وتسلط عالأوطان، وطمع برئاسة وتاج وصولجان، بعتوا القيم بأبخس الأثمان وبعدكن تقولوا نحنا عرب؟
ولك وين إنتو من العرب؟
وينكن من أهل الشهامة والنسب. وينكن من أهل الحمية والأدب. وين اللي يركض من دون طلب، صرتوا خشب صابكن عطب
ولك وين إنتو يا عرب
وين اللي يلبي الندا، ندا مظلوم ما لو حدا، ينادي ويرجعلو الصدى، وين اللي يقول نحنا فدا، ما عاد يكفينا الغضب
ولك وين إنتو يا عرب
قدسنا كم سنة صرلو أسير. أديش صرلو عم يصرخ مستجير، من المحتل اللي طغى هالظالم هالحقير والعرب ناموا وغطوا بالشخير
ولك وين إنتو يا عرب
اليوم غزة بالمجازر طريحة، ومبارح الضفة وجنين وأريحا، والقدس بعدا من الماضي جريحة، جبتولنا العار يا خجلي من الفضيحة
ولك وين إنتو من العرب
Labels: عرب، غزة، حصار غزة، شعر، نثر
posted by غسان جوهر @ Sunday, December 28, 2008
2 Comments
2 Comments:
Very rich and interesting articles, good BLOG!
Very rich and interesting articles, good BLOG!
fishing net
Post a Comment
Subscribe to Post Comments [Atom]
<< Home