حبيبتي بيروت

 

رسمتـــك حلــــم بخـــيـالي يا بيـــروت

ودقــــات قــلــــبك بـقـــلبي مسمـــوعة

بيـــروت يا دهــب مـرصَّـع بيـــاقــــوت

بيـــروت يا نــور الشمس وقـت طلوعا

بيـــروت يا حــبـــل الرَّجـــا المفــــلوت

كــانت الناس على حُـــبــك مجــموعــة

نسجــوا حوالــيكي خيــوط العنــكبوت

غفوكي عا كتف الأمل غفيتي مخدوعة

سرقوكي وغـمروكي غــمرة أخطــبوط

وبرمشة عين غرقتي باحزانك مفجوعة

تخـــلَّعـــت البــواب تخــرَّبـت البــيــوت

وبناياتــك الشـــامخة تـكسَّرت ضــلوعا

بلهيب النـــار بالــدم تلـــونت بـيـــروت

وعــا ورد خــدّها كــــرجــت دمــــوعــا

لوثوا بحرها لوثــوا المواج والشطــوط

تقــطعت دروبا طرقـاتا صارت ممنوعة

شو تهجَّر ناس ونـاس ترحَّــلت بتابوت

والأحـــلام تحــولت كوابـــيس مزروعة

وبتــنادي ما في حـــدا بيــرد السكــوت

وينــن ليــش صــواتن مش مسمــوعـة

بيروت يا سراب الأمل ودمع الصَّدى المكبوت

تخلـوا عنـك كأنَّـك من شجرة مقطوعة

رح ترجــعي وأيـامك الحلـوة رح بتعود

إلـك محبِّة بنـــص القــــلب مطــبـوعــة

بيـــروت ما رح نتــركك ولو عم نمـوت

ورح نخــلِّي رايـاتك على طول مرفوعة