بيروت الجريحة

 

زرعوا فسـادن والفــتـن

على الكـراسي تربّـعــوا

  

دنـي محـــتال ومـرتــهن

نهبـوا وما عادو يشبعوا

 
وبيـوم بغـفلة من الـزمن

بيــروت بحــقدن ولّعــوا

 
خطـفوا أحلامك يا وطــن

وآمــال النـــاس ضيّــعوا

 
الطفـل من أمــو انحــرم

والأب لاقــى مــصرعــو

 
دمـــار وضحايا بلا كـفن

وألــوف النــاس تـلوّعوا

 
تـراث من الماضي انهدم

وبيـوت حيطانـا تصدعوا

 
في ناس صاروا بلا سكن

كــاس المــرارة تجرّعوا

 
الجــرح كبــير وما انختم

العيون ما عادوا يقشعوا

 
تهـــاونـوا وراعـوا متّهم

عالجــرم معــلّم أصبعــو

 
الحــاكم ضمـــيرو انعـدم

والـوطن فايـــض مدمعو

 
وفــوق المآسي والمحن

تجّـــار الـدّم استـطــلعوا

 
تـا يشتــروا بيت انـــردم

عطــف وحنــان تصنّعوا

 
رغـم المـصـايب والألـم

أهـلو ما قبـلوا يخضعوا

 
لوحدن أصـحاب الشِّــيَم

صوت النـخوة بمـــوقعو

 
هبّـــوا نـــجدة بــلا تـمن

أبطال بنجــوم ترصّـعوا

 
بيروت يا مـخزن شَـجن

بمــاضيـه ومـضـــارعو

 

 المـعــركة رح تـنحــسم

ومجــدك رح نســترجعو