قرب يوم عرسك
يــا وردة جــوريـــة تخــــبت بفـــيــات الشـــــجر
يــا نجمة غــــارت منــها نجــوم اللــيل والســهر
إنتي كــرم صوتك نـغم كــرمك عناقــيد بتنعصر
ضحــكـتك شـــلال من الــحلـى بينعش الصـخر
بتــطرطش حــبــات من حســنها بيـــفت الحـجر
لما عيـونــك بتحـكي كــل المســافـات بـتـخـــتصر
إذا دمًعــــــوا وتــــوب النـــدي عـلــيهـن ظــــــهر
بيدوبو قلوب متل شمعة عطرافها الشمع انصهر
جفــونك إذا رفرفرت باللـيل وصارت تتـكتك صور
بيطبق القــمر جــفـونو يـــاي شو بيستحي القـمر
يـا شـــاردة صوب المــدى قـــريت بعيــونك خــبر
سر بقـــلبك انحفر لا انـكــتب بـحروف ولا بــنمر
من نــظرة عــرفت قــلبك شو مــخــبى وشو طمر
يـاما حلم بطـبيب يــداوي الجـــرح يمــحي الضجر
ياما اكتــوى بنــار الغدر يامــا حس حــــالو بخطر
متــلك عـلى بـواب الشتــي نـاطر الحبيب المنـــتظر
يفــرش طريقــــك بفــــل ويهــديكي وردات حــــمر
وشـوف الزهـر زيَّـن الطرحة والعطر فاح وانتشر
والفـرح من عــيـونك فــاض وعــلى خــدودك عبر
وإمـك وإخوتـك يتـقبلوا التـــهاني وتبـــوسك سـمر
وتلمــحيني واقــــف بعــيد ولوًحــلـك تحـت المــطر
لا تـقولي بقــا أنـــا حـــلمي مضـــى حلمي انكــسر
لا تـقــولي آن الأوان وهـلـق إجـــــا وقــــت السـفر
يــا نجمة غــــارت منــها نجــوم اللــيل والســهر
إنتي كــرم صوتك نـغم كــرمك عناقــيد بتنعصر
ضحــكـتك شـــلال من الــحلـى بينعش الصـخر
بتــطرطش حــبــات من حســنها بيـــفت الحـجر
لما عيـونــك بتحـكي كــل المســافـات بـتـخـــتصر
إذا دمًعــــــوا وتــــوب النـــدي عـلــيهـن ظــــــهر
بيدوبو قلوب متل شمعة عطرافها الشمع انصهر
جفــونك إذا رفرفرت باللـيل وصارت تتـكتك صور
بيطبق القــمر جــفـونو يـــاي شو بيستحي القـمر
يـا شـــاردة صوب المــدى قـــريت بعيــونك خــبر
سر بقـــلبك انحفر لا انـكــتب بـحروف ولا بــنمر
من نــظرة عــرفت قــلبك شو مــخــبى وشو طمر
يـاما حلم بطـبيب يــداوي الجـــرح يمــحي الضجر
ياما اكتــوى بنــار الغدر يامــا حس حــــالو بخطر
متــلك عـلى بـواب الشتــي نـاطر الحبيب المنـــتظر
يفــرش طريقــــك بفــــل ويهــديكي وردات حــــمر
وشـوف الزهـر زيَّـن الطرحة والعطر فاح وانتشر
والفـرح من عــيـونك فــاض وعــلى خــدودك عبر
وإمـك وإخوتـك يتـقبلوا التـــهاني وتبـــوسك سـمر
وتلمــحيني واقــــف بعــيد ولوًحــلـك تحـت المــطر
لا تـقولي بقــا أنـــا حـــلمي مضـــى حلمي انكــسر
لا تـقــولي آن الأوان وهـلـق إجـــــا وقــــت السـفر
Labels: وقت السفر، يوم عرسك، شعر الزجل، اشعار موزونة، شعر منثور
posted by غسان جوهر @ Sunday, February 01, 2009
3 Comments
3 Comments:
شو هل انسيابية باللغة الشعرية اللي عم تبدع فيها , وكان الابجدية تكاتفت حتى اتطلع ارق ما قيل واعذب ما باحت فيه الاحاسيس الدفينة
حبيتا كتير ... يمكن لانو عرس اختي بي شهر 4 فحسيت فيا اكتر عقبال ولادك.
شكرا لك على التقدير لما اكتب وان كان يهمني النقد البناء أكثر، ولو كتبتها بالغة الفصحى على أيام المتنبي أو ابن المقفع، كان طرقني بهدلة.....بالفصحى
بس لو كنت على ايام المتنبي او ابن المقفع لكنا درسنا عنك متل ما درسنا عنهم ولكنت تميزت على ايامهم متل ما عم تتميز بالزمان والمكان اللي انوجدت في.
وبالنسبة للنقد البناء فصحيح اني بعتز فيك صديق مثقف وذكي بس متل ما احيانا المديح بيفرض نفسه كمان النقد بيفرض نفسه وكل مقال بتكتبو مسؤوليتك بتكبر بالمقال اللي بعدو.
Post a Comment
Subscribe to Post Comments [Atom]
<< Home