هـجـــر الحـبيب

 

قـلبـتي حيـاتي دمــار هـجرتيـني وأخـدتي القـــرار

حـفرتي جـــروح بـصدري تركـتيها للـزمن تذكـــار

كسـرتي قـلـب صانك وحبـك وشعـلـتي فيي النـــار

وطفّـيتي نجوم أمـانـينا بعـد ما شعــشعِتْ بالأنـوار

دمـوعي الحـزيـنة اجتـــاحت كيـاني والحب قهـــار

مش لعبــة أنـا تـلعبي فيها وترمـيها بـــلا إنــذار

ولا مفرق بشـارع العشـاق حتى تـغــيري المســـار

خلفـتي بوعـدك وعـهــدك وانهـيتي بيـننا المشـوار

ضيّعـتي سنــين من عـمري وتوهـتي فيي الأفــكـار

يـامـا تـغــزلت بجمالـك ونظمتـلـك قـصـايد وأشعـار

وزرعت البـسمة ع شـفافــك وخليت همومي أسرار

كــنت إجهد حتى داريكــي وكيـف أرضيكـي إحتـــار

ومن لمسة خيوط الشمس والشال على كتافك غـار

إن غـــاب القــمر شوفـك محلو يـامـا حلـمت بنهـار

تـضـوي قنـاديلي بـبيـت يـجمـعنا سـوا ورا اســوار

غـفّيكي وما يعرف حـدا فينا بعتمة ليـل وضو نهــار

حلـمي طلع وهـم ضـاع مني بفـضا الأحـلام وطــار

الحـب رقـة وإحسـاس وفــا وإخلاص وتـناغم أفكـار

مـش نــزوة عـابرة ولا موجة هــادرة بـبحـرغـــدار

نفسي عليلة عبالي إشفي غليلي وتواجهي الإختبار

يـجي يــوم وتـشربي مـن نفــس الكــاس دْوار دْوار

وتعـاني اللـهـيب مـن هــجر الحبــيب والــزمن دوَّار

تصـيري غريــبة من غـربة غـيــابو والحـلم ينهــار

وشـارع العشـــاق تـتسـكر دروبـو وما تلاقي خَيــار

بهديـكي جـــروحي يـامـا هـديـتك ريــاحين وأزهــار

ليـش التـــلاعـب بالمشـاعر والكـذب والإستهتـــــار

جرح الهـوى لــوعة إن صابت الشب بـينقِلب ختيار

تزورت معاني الحب ما عدت إفهم بهالدني شو صار