لــــحـدّ هــــون وبــــسّ

إجا الصيف وبلش فصل الزنطرة والكيف .. التجار تحضروا ناطرين السايح الضيف .. رومانس عالشمعة الكهربا ما عم تنشاف .. وفجأة تنقلت الأحداث بالبلد يا حيف .. هدفها الفتنة بين أبو العبد وأبو صطيف .. ناس استنكرت وحرقت دواليب وناس استنفرت ولوحت بالسيف .. خربولنا الإقتصاد والسياحة وضربولنا موسم الإصطياف

رجال مضبضبة بالبيت مترقبة وخايفة .. ونسوان برات بيوتها سايحة وطايفة. ساكنين يا بعدي على البلاج .. مزلطين بحجة البرونزاج .. وأنا موترعالبلد داقتني البردية ولازق بالشوفاج

في نسوان بتقهر قهر... معجوقة من لما بلش موسم البحر .. دايرين على تكبير صدر وتنحيف خصر .. ليفتنغ أب بيقولوا أحلى لما ينضب. نسوان بدها تشيل السيللوليت حتى كسمها يصير متل سنهويت. وخود على ليبوسكشن كرمال الأكشن .. ولايزر دايود لجسم بيغري عند العرض .. آي.بي.أل بلا جل .. إبيلاسيون لا عقيدة ولا لبكة اللوسيون .. حول المايو وتحت المايو.. قلة حيا دقّوا بالنوايّو. من ورا رجالهن صدقوني بلاستيك سيرجري .. لا مين شاف ولا حتى مين دري

ليش في منكن تاركين بيوتكن على الفيليبنية .. ودايرين من بيت لبيت ومن صبحية لصبحية. وهي بتطبخ وبتطعمي بتشلح وتلبس الولاد يومية .. ولجوزك بتغسلو وبتضبلو تيابو الداخلية. ما خبرتكن عن اللي راحت تشتري لجوزها سليبات .. وعالنظر قياس جوزها ما عرفت وصارت تمطمط بهالكلسونات. استعانت بالخادمة حتى تعرف القياس .. وسألتها بكل وقاحة قدام الناس. هيدا يا ماريكا بيلبّس وسام؟ وجاوبتها على المستر، ضيق شوي يا مدام. لا تكوني سطحية واتدردحي شوي .. عاملة حربوقة ومن تحتك كارجة المي .. شلحتيه مصاري حتى تتسوقي بالمولات .. وهو مستغفلك وللصانعة عم يشتري لانجري وبيبي دولات

يعني بيناسب يرجعوا رجالكن من شغلهن عالبيت .. وبدل ما يلاقوكن ناطرينهن تستقبلهن الخادمات .. ويللي جوزها نفسو دنية ... ما بيلاقي بوجو إلا هالخادمة الأجنبية. مش معذور بس ما إنتي كمان عنو ملهية .. لا بتعطي وج وإذا قربلك بتقولي تعبانة ومستوية. برات البيت لبس القصير وجوات البيت "تنورة ماكسي" العفو على هالتعبير

ليش في نسوان حياتها الزوجية تعتير .. وبالسبا والجيم على رجالها بتقضيها قر وبر وتنمير. الزينة والأنوثة على طول لبرا .. وجوا بح ما في شي بالمرة. ما تقولولي ما في هيك نسوان ... على هيك طرز البلد مليان .. وفي منهن بالتراضي عندهن الفلتان .. عيش حياتك واتركني عيش حياتي .. قصدها تقول عندك نزواتك وأنا عندي نزواتي. عشق وغرام عالنت وعالشات .. وجوزها فالت جميزة مونو ومغامرات. ولك إنتو مش مأوى مع بعض فاتحين .. ولا قاسمين بالنص الأجار ومع بعض ساكنين .. إنتو سوا كوبل واحد شريكين مزوجين

وعندي طلب خاص من نساء الوطن .. ديروا بالكن على رجالكن وساهموا بمنع الفتن. سلوهن بشي حلو شي مرتب بالبيت .. بدل ما يفشـّوا كبتهن بحرق الدواليب وعالنار يصبوا الزيت.. ولك ضبوهن ليش بيسموكن وزارة الداخلية؟ بس يقلك نازل ولـّع دواليب ما تقوليلو "روح الله معك يا خيي".. تا تخلصي منو ويخلى الجو للمسلسلات التركية. قوليلو شو بينـزّلك تعا يا حبيبي نشرب سوا قهوة .. وارتاح يا رجال نملك شوي خدلك سهوة. ولك اي بدل ما يحضر أخبار إلهيه بشي لهوة. مش أحسن ما يرجعلك مقوص أو يتعلقلو وراق نعوة؟. طاوعوني يا نسوان ومن عندي بدعيلكن أحلى دعوة